Ail-lenwi HCNG
Yn ogystal â chreu gorsaf ail-lenwi hydrogen gyntaf Cymru, mae gan y Ganolfan Hydrogen ail-lenwr arbenigol sy'n caniatáu am gymysgeddau o hydrogen a nwy naturiol cywasgedig (CNG). Mewn nifer o wledydd, mae CNG yn danwydd cyffredin i gerbydau. Nid dyma'r sefyllfa yn y DU er bod diddordeb cynyddol oherwydd y potensial i leihau costau a lleihau allyriadau CO2.
Mae gan Brifysgol Morgannwg ddiddordeb mewn ymestyn y buddion hyn drwy ymchwilio i fuddion cymysgu hydrogen gyda CNG i gael ei ddefnyddio mewn cerbydau. Mae rhywfaint o'r diddordeb hwn yn deillio o ymchwil SERC i gynhyrchu biohydrogen a biomethan drwy brosesau eplesu.
