Hydrogen Centre

Canolfan Ymchwil ac Arddangos Hydrogen Prifysgol De Cymru ym Maglan

Datblygwyd gan Brifysgol De Cymru gyda chyllid rhannol oddi wrth Gronfa Datblygu Rhanbarthol Ewrop, y Ganolfan Hydrogen yw canolbwynt gwaith Ymchwil, Datblygu ac Arddangos technoleg ynni hydrogen yng Nghymru. Wedi'i leoli ym Mharc Ynni Baglan, cefnogwyd y Ganolfan Hydrogen gan Gyngor Castell-nedd Port Talbot a Llywodraeth Cymru.

Gan adeiladu ar waith ymchwil cydnabyddedig y Brifysgol i ynni hydrogen, drwy'r Ganolfan Ymchwil Amgylchedd Cynaliadwy (SERC), mae'r Ganolfan Hydrogen yn darparu platfform ar gyfer datblygiad arbrofol o gynhyrchiad hydrogen adnewyddadwy a storio ynni hydrogen newydd. Mae'r ganolfan yn galluogi rhagor o ymchwil a datblygiad o gerbydau hydrogen, cymwysiadau celloedd tanwydd a systemau ynni hydrogen cyffredinol. Mae'r ganolfan yn bwynt ffocws ar gyfer cyfres o brosiectau cydweithredol rhwng Prifysgol De Cymru a phartneriaid academaidd a diwydiannol eraill.

Un o brif swyddogaethau'r Ganolfan Hydrogen yw codi ymwybyddiaeth o hydrogen fel cludydd ynni glân a chynaliadwy, gyda'r potensial i oresgyn ein dibyniaeth ar ynni a gaiff ei fewnforio. Yn ogystal â'r gwaith a ddisgrifiwyd ar dechnoleg hydrogen, ymchwilir i effeithiau economaidd a chymdeithasol ynni hydrogen yn y Ganolfan Hydrogen.